மாற்றுத் திறனாளிகளுக்கான சிறப்பு தேர்வில் 945 பேர் தேர்ச்சி பெற்றுள்ளதாக சட்டப்பேரவையில் அமைச்சர் செங்கோட்டையன் தெரிவித்தார். சட்டப்பேரவையில் கேள்வி நேரத்தின்போது மயிலாப்பூர் தொகுதி உறுப்பினர் நட்ராஜ் எழுப்பிய கேள்விக்கு பதிலளித்து பேசிய அமைச்சர் செங்கோட்டையன், மாற்றுத்திறனாளிகளுக்கான அரசு வேலைவாய்ப்பில் 4 விழுக்காடு இடங்கள், பார்வையற்றவர்களுக்கான ஒரு விழுக்காடு இடங்களும் தொடர்ச்சியாக நிரப்பப்பட்டு வருகிறது என்றார். உயர் நீதிமன்றத்தில் நடந்து வரும் வழக்கு முடிவுக்கு வந்தபிறகு ஆசிரியர் காலிப்பணியிடங்கள் அனைத்தையும் நிரப்புவதற்கு நடவடிக்கை எடுக்கப்படும் எனவும் அமைச்சர் செங்கோட்டையன் தெரிவித்தார்.