கன்னியாகுமரி மாவட்டம் தெற்கு சூரங்குடி பகுதியை சேர்ந்த பழனியப்பன் நகைக்கடை நடத்தி வருகிறார். இவரது கடைக்கு வந்த வடமாநில கும்பல் 12 லட்ச ரூபாய் மதிப்பிலான தங்க நகைகள் இருப்பதாகவும், இதற்காக 5 லட்ச ரூபாய் மட்டும் கொடுத்தால் போதும் என கூறியுள்ளனர். இதை நம்பிய பழனியப்பன் தங்க நகைகளை வாங்கிக் கொண்டு 5 லட்ச ரூபாய் பணத்தை கொடுத்துள்ளார். பின்னர் சோதனை செய்த போது தான் அது போலி நகைகள் என்பது தெரியவந்தது. தனியார் ஹோட்டலில் நகைகளை அந்த கும்பல் பழனியப்பனிடம் கொடுத்த சிசிடிவி காட்சிகள் வெளியாகி உள்ள நிலையில் அவர்களை போலீசார் தேடி வருகின்றனர்.