விம்பிள்டன் டென்னிஸ் மகளிர் ஒற்றையர் பிரிவின் சாம்பியன் பட்டத்தை ரொமேனிய வீராங்கனை ஹாலேப் கைப்பற்றினார். லண்டனில் நடைபெற்ற இறுதி ஆட்டத்தில் அமெரிக்க வீராங்கனை செரினா வில்லியம்ஸ் உடன், ஹாலேப் மோதினார். விறுவிறுப்பான இப்போட்டியில் 6க்கு2, 6க்கு2 என்ற நேர் செட் கணக்கில் செரினாவை வீழ்த்தி முதல் முறையாக விம்பிள்டன் பட்டத்தை ஹாலேப் கைப்பற்றினார். செரினா தாயான பிறகு, ஒரு முறை கூட கிராண்ட் ஸ்லாம் பட்டத்தை வெல்லாத நிலையில், மீண்டும் ஒரு முறை கோப்பையை தவறவிட்டது, அவரது ரசிகர்களை அதிர்ச்சியில் ஆழ்த்தியுள்ளது.