இந்தியா - மேற்கிந்திய தீவுகள் அணிகளுக்கு இடையேயான முதல் ஒருநாள் கிரிக்கெட் போட்டி, பகல் இரவு ஆட்டமாக இன்று நடைபெற உள்ளது. சேப்பாக்கம் எம்.ஏ.சிதம்பரம் மைதானத்தில் நடைபெற உள்ள போட்டிக்கான டிக்கெட் கடந்த சில தினங்களுக்கு முன்பு விற்பனை செய்யப்பட்டது. இந்நிலையில், குறைந்தபட்ச விலையான, ஆயிரத்து 200 ரூபாய்க்கான டிக்கெட் மட்டும், இன்று காலை 10 மணிக்கு, கவுன்ட்டர்களில் விற்பனை செய்ய உள்ளதாக தமிழ்நாடு கிரிக்கெட் சங்கம் அறிவித்துள்ளது.