டி20 உலகக்கோப்பை தொடரில் ஸ்காட்லாந்து அணியை 35 ரன்கள் வித்தியாசத்தில் மேற்கிந்திய தீவுகள் அணி வீழ்த்தியது.

கொல்கத்தா ஈடன் கார்டன் மைதானத்தில் நடைபெற்ற போட்டியில் ஸ்காட்லாந்து அணி டாஸ் வென்று பந்துவீச்சை தேர்வு செய்ய, மேற்கிந்திய தீவுகள் அணி 20 ஓவர்களில் 182 ரன்கள் சேர்த்தது. ஷிம்ரன் ஹெட்மியர் 36 பந்துகளில் 6 சிக்சர்களுடன் 64 ரன்கள் விளாசினார்.

பின்னர் விளையாடிய ஸ்காட்லாந்து அணி 147 ரன்களுக்கு ஆல்-அவுட் ஆனது. அபாரமாக பந்துவீசிய ரொமாரியோ ஷெப்பர்டு 3 ஓவர்களில் 20 ரன்கள் விட்டுக்கொடுத்து 5 விக்கெட் சாய்த்தார்.

இதுமட்டுமின்றி நடப்பு தொடரின் முதல் ஹாட்ரிக் விக்கெட்டையும் வீழ்த்தி அசத்தினார்.