சவுதி ப்ரோ லீக் கால்பந்து தொடரின் பரபரப்பான லீக் போட்டியில் நட்சத்திர வீரர் ரொனால்டோ அங்கம் வகிக்கும் அல்-நசர் அணி, அல்-அஹ்லி அணியை வீழ்த்தியது. ஜெத்தா நகரில் நடைபெற்ற இந்தப் போட்டியின் முதல் பாதியில் இரு அணிகளும் கோல் அடிக்கவில்லை. 2வது பாதியில் ஆட்டத்தின் 68வது நிமிடத்தில் கிடைத்த பெனால்டி வாய்ப்பை, ரொனால்டோ கோலாக மாற்றினார். இதுவே வெற்றி கோலாகவும் அமைந்த நிலையில் ஆட்ட நேர முடிவில் 1க்கு பூஜ்யம் என்ற கோல் கணக்கில் அல்-நசர் அணி வெற்றி பெற்றது.