சேப்பாக்கத்தில் நடைபெற்ற ஐபிஎல் 7வது லீக் போட்டியில் குஜராத் முன்னணி பவுலர் ரஷீத் கானை சென்னை பேட்டர்கள் பதம் பார்த்தனர். கட்டுக்கோப்பாக பந்துவீசி எதிரணிக்கு அழுத்தம் தரக்கூடியவரான ரஷீத் கான் சேப்பாக்கத்தில் தடுமாறினார். சென்னை பேட்டர்கள் ரஷீத் கான் ஓவரில் சிக்சர்களைப் பறக்கவிட்டனர். குறிப்பாக அறிமுக வீரர் சமீர் ரிஸ்வி, ரஷீத் கான் ஓவரில் தான் சந்தித்த முதல் பந்தையே சிக்சருக்கு அனுப்பினார். இந்தப் போட்டியில் 4 ஓவர்கள் வீசிய ரஷீத் கான் 49 ரன்கள் வழங்கி 2 விக்கெட்டுகளை வீழ்த்தினார்.