இந்திய அணி உலக கோப்பையை வென்ற மும்பையின் வான்கடே மைதானம், கொரோனா வார்டாக மாற உள்ளது. கொரோனா வைரஸ் பாதிப்பில், மகாராஷ்டிரா மாநிலம் இந்தியாவிலே முதல் இடத்தில் உள்ளது. இதுவரை 27 ஆயிரம் பேருக்கும் மேல் கொரோனா தொற்று உறுதியாகியுள்ள நிலையில், உயிரிழப்பு எண்ணிக்கையும் ஆயிரத்தை தாண்டியுள்ளது. இது ஒருபுறம் இருக்க, கொரோனா பரிசோதனை செய்யப்பட்டவர்களை தனிமைப்படுத்த இடப்பற்றாக்குறை ஏற்பட்டுள்ளது. இதன் காரணமாக மும்பை வான்கடே மைதானத்தை தற்காலிகமாக தங்களிடம் வழங்குமாறு மும்பை கிரிக்கெட் சங்கத்திற்கு மாநகராட்சி நிர்வாகம் கடிதம் எழுதியுள்ளது.