இந்திய வேகப்பந்து வீச்சாளரின் முகமது ஷமியின் சொந்த ஊரில், சிறிய அளவிலான மைதானம் அமைக்க உத்தரபிரதேச அரசு முடிவு செய்துள்ளது. நடப்பு உலக கோப்பை கிரிக்கெட் தொடரில் கலக்கி வரும் இந்திய வேகப்பந்து வீச்சாளர் ஷமி, 6 போட்டிகளில் 23 விக்கெட்டுகளை வீழ்த்தி அசத்தியுள்ளார். குறிப்பாக அரையிறுதியில் 7 விக்கெட்டுகளை வீழ்த்தி, இந்திய அணியின் வெற்றிக்கு வித்திட்டார். இந்தநிலையில், ஷமியின் சொந்த ஊரான சஹாஸ்பூர் அலிநகர் கிராமத்தில் சிறிய அளவிலான மைதானமும், திறந்தவெளி உடற்பயிற்சி கூடமும் அமைக்க திட்டமிடப்பட்டுள்ளதாக, குறிப்பிட்ட கிராமம் அமைந்துள்ள அம்ரோஹா மாவட்டத்தின் ஆட்சியர் கூறியுள்ளார்.