இந்திய கால்பந்து அணியின் கேப்டன் சுனில் சேத்ரி 39-ஆவது பிறந்தநாளை கொண்டாடிய நிலையில், அவரை ஃபிபா கவுரவித்துள்ளது. சர்வதேச அளவில் தற்போது விளையாடிக் கொண்டிருக்கும் வீரர்களில், அதிக கோல்கள் அடித்த வீரர்கள் வரிசையில் சுனில் சேத்ரி 92 கோல்களுடன் மூன்றாவது இடத்தில் உள்ளார். முதலிரண்டு இடங்களில் ரொனால்டோவும், மெஸ்சியும் உள்ளனர். அதனை மேற்கோள் காட்டி சுனில் சேத்ரி குறித்த படத்தை பதிவிட்டு, ஃபிபா பிறந்தநாள் வாழ்த்து தெரிவித்துள்ளது.