ஆசியப் போட்டிகள் ஆடவர் டி20 கிரிக்கெட்டில் இந்தியா தங்கப் பதக்கம் வென்று அசத்தியுள்ளது. ஹாங்சோ நகரில் நடைபெற்ற இறுதிப் போட்டியில் இந்தியாவும் ஆப்கானிஸ்தானும் மோதின. 18 புள்ளி 2 ஓவர்களில் ஆப்கானிஸ்தான் 5 விக்கெட் இழப்புக்கு 112 ரன்கள் எடுத்து இருந்தபோது மழை பெய்தது. தொடர்ந்து மழை நீடித்ததால் ஆட்டத்தை ரத்து செய்வதாக நடுவர்கள் அறிவித்தனர். ஐசிசி தரவரிசைப் பட்டியலில் ஆப்கானிஸ்தானைக் காட்டிலும் இந்தியா முன்னிலையில் இருப்பதன் அடிப்படையில், இந்தியா தங்கம் வென்றதாக அறிவிக்கப்பட்டது.