ஆசிய விளையாட்டுப் போட்டிகளின் ஆடவர் கால்பந்து லீக் ஆட்டத்தில் வங்கதேசத்தை இந்தியா தோற்கடித்தது. ஹாங்சோ நகரில் குரூப் ஏ பிரிவில் நடைபெற்ற லீக் போட்டியில் இந்தியாவும் வங்கதேசமும் மோதின. முதல் பாதியில் இரு அணிகளும் கோல் அடிக்காத நிலையில், 2வது பாதி ஆட்டத்தின் 85வது நிமிடத்தில் இந்தியாவிற்கு பெனால்டி வாய்ப்பு கிடைத்தது. இதனை கேப்டன் சுனில் சேத்ரி கோலாக்கினார். இதனால் ஆட்ட நேர முடிவில் 1க்கு பூஜ்யம் என்ற கணக்கில் வெற்றி பெற்ற இந்தியா, அடுத்த சுற்றுக்கான வாய்ப்பையும் தக்கவைத்தது.