ஆஸ்திரேலிய ஓபன் டென்னிஸ் தொடரின் காலிறுதி போட்டிக்கு, ஸ்விட்சர்லாந்து நட்சத்திர வீரர் ரோஜர் பெடரர் தகுதி பெற்றுள்ளார். 4-வது சுற்றுப்போட்டியில் ஹங்கேரியின் மார்ட்டன் ஃபக்ஸோவிக்ஸை (Marton Fucsovics ) எதிர்கொண்ட பெடரர், 4க்கு-6, 6க்கு-1, 6க்கு- 2 மற்றும் 6க்கு-2 என்ற செட் கணக்கில் வெற்றி பெற்றார். இதன்மூலம் அவர், ஆஸ்திரேலிய ஓபனில் 15-வது முறையாக காலிறுதிக்கு முன்னேறினார். மற்றொரு போட்டியில், அமெரிக்க வீரர் டென்னிஸ் சேண்ட்கிரென், 7க்கு-6, 7க்கு-5, 6க்கு-7 மற்றும் 6க்கு-4 என்ற செட் கணக்கில், இத்தாலியின் ஃபாக்னினியை வீழ்த்தினார். காலிறுதியில் அவர், பெடரருடன் பலப்பரீட்சை நடத்த உள்ளார்.