மெல்போர்ன் நகரில் நடைபெற்ற ஆடவர் ஒற்றையர் பிரிவு இறுதிப் போட்டியில் தரவரிசையில் 4ம் இடத்தில் இருக்கும் இளம் வீரர் யானிக் சின்னரும், தரவரிசையில் 3ம் இடத்தில் இருக்கும் ரஷ்ய வீரர் டேனில் மெத்வதேவும் பலப்பரீட்சை நடத்தினர். ஆட்டத்தின் முதல் 2 செட்களை 6க்கு 3 என்ற புள்ளிகள் கணக்கில் மெத்வதேவ் வெல்ல, மெத்வதேவ் சாம்பியன் ஆவார் என எதிர்பார்க்கப்பட்டது. ஆனால் அடுத்தடுத்த செட்களில் அதிரடியாக ஆடி யானிக் சின்னர் கம்-பேக் கொடுத்தார். 6க்கு 4, 6க்கு 4 என்ற புள்ளிகள் கணக்கில் அடுத்தடுத்த செட்களை சின்னர் வசப்படுத்தினார்.