மகளிர் ஆசிய சாம்பியன்ஸ் டிராபி ஹாக்கி போட்டியில் இந்திய அணி இறுதிப்போட்டிக்கு தகுதி பெற்று அசத்தியுள்ளது. பீகாரில் நடைபெற்ற அரையிறுதி போட்டியில் இந்திய ஜப்பான் அணிகள் பலப்பரீட்சை நடத்தின. 48வது நிமிடத்தில் கிடைத்த பெனால்டி வாய்ப்பை பயன்படுத்தி இந்திய வீராங்கனை நவ்நீதி கவுர் கோல் அடித்தார். 56வது நிமிடத்தில் இந்திய அணி மீண்டும் ஒரு கோல் போட்டது. இறுதி வரை முயன்று ஜப்பான் அணியால் கோல் போட முடியாததால், இரண்டுக்கு பூஜியம் என்ற கணக்கில் வெற்றி பெற்று இந்திய மகளிர் அணி இறுதிப்போட்டிக்குள் நுழைந்தது. இன்று நடைபெறும் இறுதிபோட்டியில் சீனாவை இந்திய அணி எதிர்கொள்கிறது.