ஆசிய விளையாட்டு போட்டிகள் மகளிர் ஒற்றையர் பிரிவு டென்னிஸ் - இந்தியாவுக்கு வெண்கலம்

ஆசிய விளையாட்டு தொடரின், மகளிர் ஒற்றையர் பிரிவு டென்னிஸ் போட்டியில், இந்திய வீராங்கனை அங்கிதா ரைனா, வெண்கலப் பதக்கம் பெற்றுள்ளார். அரையிறுதியில் சீனாவின் ஷங் ஷுவாவை

எதிர்த்து விளையாடிய அங்கிதா, 4க்கு 6, 6க்கு 7 என்ற புள்ளி கணக்கில் தோல்வியை தழுவினார்.

ஆசிய விளையாட்டு போட்டி - பேட்மிண்டன் நட்சத்திர வீராங்கனை பி.வி.சிந்து முன்னேற்றம்

ஆசிய போட்டி பேட்மிண்டன் மகளிர் ஒற்றையர் பிரிவின் காலிறுதியின் முந்தைய சுற்றுக்கு பி.வி.சிந்து தகுதி பெற்றுள்ளார். வியட்நாம் வீராங்கனை டிராங்கை எதிர்கொண்ட சிந்து, 21க்கு10, 12க்கு21, 23க்கு21 என்ற செட்களில் வெற்றி பெற்று அடுத்த சுற்றுக்கு முன்னேறினார்.

பேட்மிண்டன் - அஸ்வினி ஜோடி முன்னேற்றம்

இதே போன்று மகளிர் இரட்டையர் பேட்மிண்டன் பிரிவின் காலிறுதியின் முந்தைய சுற்றுக்கு இந்திய ஜோடி அஸ்வினி போண்ணப்பா, சிக்கி ரெட்டி ஜோடி தகுதி பெற்றுள்ளது. ஹாங்காங் ஜோடியை 21க்கு16, 21க்கு15 என்ற நேர் செட் கணக்கில் அஸ்வினி

ஜோடி வீழ்த்தியது.