ஜம்மு-காஷ்மீரின் பிஜ்பெஹரா பகுதியைச் சேர்ந்த 34 வயது மாற்றுத்திறனாளி கிரிக்கெட் வீரர் அமீர் ஹுசைன்... 8 வயதில், விபத்து ஒன்றில் தனது இரு கைகளையும் இழந்த இவர், கிரிக்கெட் மீது கொண்ட தீராக் காதலால், ஜம்மு-காஷ்மீர் மாற்றுத்திறனாளி கிரிக்கெட் அணியின் கேப்டனாகவும் முன்னேறியுள்ளார். இரு கைகளும் இல்லாத இவர், தனது கழுத்தைப் பயன்படுத்தி பேட்டிங் செய்து வருவதுடன், கால்களைப் பயன்படுத்தி பவுலிங்கும் செய்து அசத்தி வருகிறார். கிரிக்கெட் ஜாம்பவான் சச்சின் டெண்டுல்கரின் ரசிகரான அமீர், சச்சினின் ஜெர்சி அணிந்து விளையாடும் காட்சிகள் ரசிகர்களை கவர்ந்துள்ளது.