புதுச்சேரி சட்டமன்ற தேர்தலில், திமுக - காங்கிரஸ் கூட்டணிக்கு யார் தலைமை என்பதில் இழுபறி நிலவுவதாக தகவல் வெளியாகி உள்ளது. திமுக, காங்கிரஸ் இடையே புதுச்சேரியில் கூட்டணி பேச்சுவார்த்தை நடைபெற்றது. திமுக எம்.பி., ஜெகத்ரட்சகன் தலைமையிலான குழு பேச்சுவார்த்தைக்கு சற்று தாமதமாக வந்ததாக கூறப்படுகிறது.. இது காங்கிரஸ் தரப்பில் பேச வந்த முன்னாள் முதலமைச்சர் நாராயணசாமி, வைத்தியலிங்கம் எம்.பி., உள்ளிட்டோருக்கு அதிருப்தியை ஏற்படுத்தியதாக சொல்லப்படுகிறது.. பின்னர் பேச்சுவார்த்தை முடிந்த நிலையில் முடிவு குறித்து இருதரப்பும் எந்த தகவலையும் தெரிவிக்கவில்லை