மேற்கு வங்க மாநிலம் சந்தேஷ்காளியில் பாஜக திரிணாமுல் காங்கிரஸ் இடையே மீண்டும் மோதல் ஏற்பட்டதால் பரபரப்பு ஏற்பட்டது. பாஜகவினர் மீது பொய் வழக்கு பதிந்து கைது செய்யப்பட்டதாக குற்றம் சாட்டி, பாசிர்ஹாட் பாஜக வேட்பாளர் ரேகா பத்ரா தலைமையில் ஏராளமான பெண்கள் காவல் நிலையம் முன்பு போராட்டத்தில் ஈடுபட்டனர். அப்போது, திரிணாமூல் காங்கிரஸ் தொண்டர்களை ஏராளமான பாஜக பெண் தொண்டர்கள் விரட்டி விரட்டிச் சென்று அடித்த‌தால் பரபரப்பு ஏற்பட்டது. இந்த சம்பவத்திற்கு கண்டனம் தெரிவித்துள்ள திரிணாமுல் காங்கிரஸ் எம்எல்ஏ சுகுமார் மஹதோ, இது திட்டமிட்ட தாக்குதல் என்று குற்றம் சாட்டினார்.