திருவள்ளூர் மாவட்டம் திருமழிசை பேரூராட்சி தலைவர் பதவிக்கு இன்று தேர்தல் நடைபெற்றது. அ.தி.மு.க., தி.மு.க. தரப்பில், தலா ஆறு உறுப்பினர்களுடன் சரிசமமாக உள்ள நிலையில், பா.ம.க., பா.ஜ.க ஆதரவு பெறும் வேட்பாளர் வெற்றி பெறுவார் என எதிர்பார்க்கப்பட்டது. ஆனால் அ.தி.மு.க.கவை சேர்ந்த வேலு மற்றும் பா.ம.க.வைச்சேர்ந்த ராஜேஷ் ஆகிய இரண்டு வார்டு உறுப்பினர்கள் தி.மு.க. வேட்பாளருக்கு ஆதரவு அளித்தனர். இதைத் தொடர்ந்து தி.மு.க.வைச் சேந்த மகாதேவன், போட்டியின்றி வெற்றி பெற்றதாக பேரூராட்சி செயல் அலுவலர் அறிவித்துள்ளார்.