* பழங்குடியினருக்கு உரிய ஒதுக்கீடு இல்லை எனக் கூறி, 2016-ஆம் ஆண்டு அக்டோபர் மாதம் அறிவிக்கப்பட்ட உள்ளாட்சி தேர்தலை, உயர் நீதிமன்றம் ரத்து செய்து உத்தரவிட்டது.
* இந்த உத்தரவை எதிர்த்து, மாநில தேர்தல் ஆணையம் சார்பில் மனு தாக்கல் செய்யப்பட்டது. அடுத்தடுத்த மனுக்களை விசாரித்த உயர் நீதிமன்றம் முதலில் 2016-ஆம் ஆண்டு டிசம்பருக்குள்ளும், பின்னர், 2017 மே மாதத்திற்குள்ளும் உள்ளாட்சி தேர்தலை நடத்த உத்தரவிட்டது.
* மூன்று முறை காலக்கெடு அளித்தும் உள்ளாட்சி தேர்தல் நடத்தப்படவில்லை எனக் கூறி, திமுக சார்பில் மாநில தேர்தல் ஆணையம் மீது நீதிமன்ற அவமதிப்பு வழக்கு தொடரப்பட்டது.
* இந்த வழக்கை விசாரித்த தலைமை நீதிபதி தலைமையிலான அமர்வு, இன்றைக்குள் உள்ளாட்சி தேர்தல் அட்டவணையை அறிவிக்குமாறு உத்தரவிட்டது.
* வழக்கு இன்று மீண்டும் விசாரணைக்கு வந்தபோது, வார்டு மறுவரையறை ஆணையம் ஒன்றை அமைத்துள்ளதாகவும், அந்த ஆணையம் தனது அறிக்கையை ஆகஸ்ட் 31-ம் தேதி சமர்ப்பிக்கும் என்றும், மாநில தேர்தல் ஆணையம் அறிக்கை தாக்கல் செய்தது.
* அந்த அறிக்கையை அரசு ஏற்றுக் கொண்ட 3 மாதத்தில் தேர்தல் தேதி அறிவிக்கப்படும் எனவும் அதில் தெரிவித்தது. இதற்கிடையே, தலைமை நீதிபதி இந்திரா பானர்ஜி, உச்ச நீதிமன்ற நீதிபதியாக செல்வதால், உள்ளாட்சி தேர்தல் தொடர்பான வழக்கு விசாரணை, நீதிபதிகள் சத்திய நாராயணன் மற்றும் சுந்தர் ஆகியோர் அடங்கிய அமர்வுக்கு மாற்றப்பட்டுள்ளது.