மாநில உரிமைக்கு எதிராகவும், சூழலியல் பாதுகாப்பினை நீர்த்துப் போகச் செய்யும் வகையிலும் மத்திய அரசால் கொண்டு வரப்பட்ட காற்று மற்றும் நீர் மாசுபாடு தடுப்பு மற்றும் கட்டுப்பாடு சட்டம் ஆகியவற்றின் சட்டதிருத்தம் 2024ஐ எதிர்த்து மத்திய சுற்றுச்சூழல் அமைச்சக அதிகாரிகளுக்கு தனது கருத்தை மின்னஞ்சலாக அனுப்பி விட்டதாக நாம் தமிழர் தலைமை ஒருங்கிணைப்பாளர் சீமான் தெரிவித்துள்ளார். பொதுமக்கள் கருத்துகளைப் பதிவு செய்ய வரும் 17ம் தேதியுடன் கால அவகாசம் நிறைவடையும் நிலையில் மத்திய அரசிடம் தங்கள் எதிர்ப்பை மக்கள் வலியுறுத்த வேண்டும் என குறிப்பிட்டுள்ள அவர் இச்சட்டத்தைத் திரும்பப் பெற மத்திய அரசை வலியுறுத்தியுள்ளார்.