அதில், பெண் விவசாயி ஒருவர், ராகுல் காந்திக்கு திருமணம் செய்து வையுங்கள் என்று சோனியா காந்தியிடம் கொஞ்சும் குரலில் கேட்கிறார். அதனை கேட்ட வேகத்தில் பதிலளித்த சோனியா காந்தி, 'நீங்களே பெண் பாருங்கள்" என நகைச்சுவையாக கூற..அங்கு சிரிப்பலை எழுந்தது.

இந்த வீடியோவை ராகுல் காந்தி சமூக வலைத்தளத்தில் பகிர்ந்த நிலையில், பலரும் இந்த வீடியோவை ட்ரெண்ட் செய்து வருகின்றனர்.

ஏற்கனவே திருமணம் செய்து கொள்ளாததற்கான காரணம் குறித்து இத்தாலி நாளிதழுக்கு பேட்டியளித்திருந்தார். அதில் திருமணம் செய்து கொள்ளாததற்கு காரணம் தெரியவில்லை.. ஆனால் கடமைகள் நிறையவுள்ளது எனினும், எனக்கு குழந்தைகள் வேண்டும் என்ற ஆசை உள்ளது என அவர் தெரிவித்திருந்தார்.

அத்தோடு தனது தாயார் சோனியா காந்தி, பாட்டி, இந்திரா காந்தி போன்ற குணமுடைய பெண்ணை திருமணம் செய்து கொள்ள ஆசையென்றும் தனது விருப்பத்தை ராகுல்காந்தி கூறியிருந்தது குறிப்பிடத்தக்கது.