சேலத்தில் 70 கிலோ அளவிலான பிரம்மாண்ட கேக்கை வெட்டி, அ.தி.மு.க. பொதுச்செயலாளர் எடப்பாடி பழனிசாமி, தமது 70வது பிறந்தநாளை கொண்டாடினார். அ.தி.மு.க. பொதுச்செயலாளரும், எதிர்க்கட்சித்தலைவருமான எடப்பாடி பழனிசாமிக்கு, இன்று 70வது பிறந்தநாள். இதனை ஒட்டி, சேலம் நெடுஞ்சாலை நகரில் உள்ள அவரது இல்லத்தில், 70 கிலோ அளவிலான பிரம்மாண்ட கேக்கை வெட்டுவதற்கு தொண்டர்கள் ஏற்பாடு செய்திருந்தனர். இதனை ஏற்று, கேக் வெட்டிய எடப்பாடி பழனிசாமி, அனைவருக்கும் கேக்கை வழங்கி மகிழ்ந்தார். பிறகு அவருக்கு, பழ வகைகள், பூங்கொத்து, சால்வை ஆகியவற்றை வழங்கி அ.தி.மு.க.வினர் மகிழ்ச்சி அடைந்தனர். எடப்பாடி பழனிசாமிக்கு வாழ்த்து தெரிவிக்க, ஏராளமான தொண்டர்கள் குவிந்து வருவதால், சேலம் நெடுஞ்சாலை நகர், திருவிழா கூட்டம் போல் காணப்படுகிறது.=