நயினார் நாகேந்திரன் பேச்சுக்கு ராமதாஸ் கண்டனம் நடிகை பற்றிய கருத்துக்கு பாஜக மாநில தலைவர் நயினார் நாகேந்திரன் மன்னிப்பு கேட்க வேண்டும் என ராமதாஸ் வலியுறுத்தினார். நடிகையை குறிப்பிட்டு விஜயை நயினார் நாகேந்திரன் விமர்சித்த விவகாரம் சர்ச்சையை ஏற்படுத்திய நிலையில், அதற்கு பெண்களிடம் பகிரங்கமாக மன்னிப்பு கேட்க வேண்டும் என்று பாமக நிறுவனர் மருத்துவர் ராமதாஸ் வலியுறுத்தினார். பெண்களுக்கு உரிய மரியாதை அளிப்பது ஒவ்வொருவரின் கடமை என்றும், மூத்த அரசியல்வாதியாக இருக்கும் அவர் தனது பேச்சுக்கு வருத்தம் தெரிவிப்பதே அரசியல் நாகரீகம் என்றும் ராமதாஸ் கூறினார்.