நாட்டின் மிக முக்கியத்துறையான நிதி, ராணுவம், ரயில்வே சட்டம் ஆகிய துறைகளின் அமைச்சர்களாக இருந்தவர்கள் மக்களை நேரிடையாக சந்திக்காமல், ராஜ்யசபா எம்,.பிக்களாக தேர்வு பெற்றவர்கள். கடந்த அமைச்சரவையில், அருண் ஜேட்லி, ஸ்மிருதி ராணி, பியுஷ்கோயல், பிரகாஷ் ஜவடேகர், நிர்மலா சீதாராமன் ரவி சங்கர் பிரசாத், சுரேஷ்பிரபு, உள்ளிட்டோர் எம்.பி.க்களாக தேர்வு செய்யப்பட்டனர். இவர்களில் குறிப்பாக, டெல்லியை சேர்ந்த அருண்ஜேட்லி, கடந்த 2014 மக்களவை தேர்தலில் தோல்வியடைந்தாலும், மாநிலங்களவை உறுப்பினராக தேர்வு செய்யப்பட்டார். அவரிடம் முக்கியத்துவம் வாய்ந்த, நிதித்துறை ஒப்படைக்கப்பட்டது. ஆனால், தற்போது அமைய உள்ள புதிய அமைச்சரவையில், உடல்நிலை காரணமாக, பொறுப்பை ஏற்க அருண் ஜெட்லி விரும்பவில்லை.