சிவகங்கையில் தி.மு.க., காங்கிரஸ் கூட்டணி சார்பில் நடைபெற்ற செயல்வீரர்கள் கூட்டத்தில் காங்கிரஸ் கட்சியின் மூத்த தலைவர் ப.சிதம்பரம், சிவகங்கை நாடாளுமன்ற தொகுதி வேட்பாளர் கார்த்தி சிதம்பரம் ஆகியோர் கலந்துக்கொண்டார். கூட்டத்தில் பேசிய ப.சிதம்பரம், தமிழ் மண்ணுக்கும், தமிழ் இனத்துக்கும் ஒவ்வாத கட்சி பா.ஜ.க. என்று கூறினார்.
தேர்தலுக்கு முன் அளித்த வாக்குறுதிகளை நிறைவேற்றவில்லை என்றாலும், கொடுக்காத வாக்குறுதிகளை எல்லாம் பாஜக அரசு நிறைவேற்றியதாக குற்றஞ்சாட்டினார். சொல்லாததை செய்த காரணத்திற்காக இந்த தேர்தலில் பா.ஜ.க.விற்கு பாடம் புகட்டுமாறு கூட்டணி கட்சி நிர்வாகிகள் மத்தியில் அவர் தெரிவித்தார்.