வரும் மக்களவைத் தேர்தல் உடன் சட்டப்பேரவைக்கும் தேர்தல் வர வாய்ப்புள்ளதாக தி.மு.க. தலைவர் ஸ்டாலின் தெரிவித்துள்ளார். திருச்சி துறையூரில்,திமுக நிர்வாகி இல்ல திருமணத்தை நடத்தி வைத்து பேசிய அவர், இளம் வயது நிகழ்வுகளை பகிர்ந்து கொண்டார். தொடர்ந்து பேசிய ஸ்டாலின், மத்தியிலும், மாநிலத்திலும் ஆட்சி மாற்றத்துக்கு தேவையான பணிகளை மேற்கொள்ள சபதம் ஏற்கவும் தொண்டர்களுக்கு அழைப்பு விடுத்தார்.