டெல்லியில் உள்ள பாஜக தலைமை அலுவலகத்தில் அக்கட்சியின் மத்திய தேர்தல் குழு கூட்டம் நடைபெற்றது. பிரதமர் மோடி தலைமையில் நடந்த இந்த கூட்டத்தில் உள்துறை அமைச்சர் அமித்ஷா, பாஜக தேசிய தலைவர் ஜேபி நட்டா, மத்திய அமைச்சர் நிதின் கட்காரி உள்ளிட்டோர் கலந்து கொண்டனர். இந்த கூட்டத்தில் மத்திய பிரதேசத்தில் நிலவி வரும் அரசியல் சூழல் குறித்து ஆலோசிக்கப்பட்டதாக கூறப்படுகிறது. மேலும், மாநிலங்களவை தேர்தல் தொடர்பாகவும் ஆலோசனை நடத்தப்பட்டது. இந்த ஆலோசனை கூட்டம் சுமார் ஒரு மணி நேரம் நீடித்தது.