இந்நிலையில், இன்று மாலை 5 மணியுடன் பிரசாரம் ஓய்கிறது. இதுவரை 3 கட்டமாக மொத்தம் 303 மக்களவை தொகுதிகளுக்கு தேர்தல் முடிவடைந்த நிலையில் நான்காம் கட்டத் தேர்தல் 9 மாநிலங்களில் உள்ள 71 தொகுதிகளுக்கு வரும் 29 ஆம் தேதி நடைபெற உள்ளது. மகாராஷ்டிராவில் 17 தொகுதிகள் ராஜஸ்தான், உத்தரப் பிரதேசத்தில் தலா 13 தொகுதிகள் மேற்கு வங்கத்தில் 8 தொகுதிகள் மத்தியப் பிரதேசம் மற்றும் ஒடிசாவில் தலா 6 தொகுதிகளுக்கு திங்களன்று வாக்குப்பதிவு நடைபெற உள்ளது. இதேபோன்று பிகாரில் 5 தொகுதிகளுக்கும் ஜார்கண்ட்டில் 3 தொகுதிகளுக்கும் ஜம்மு, காஷ்மீரில் ஒரு தொகுதிக்கும் அன்றைய தினம் வாக்குப்பதிவு நடைபெற உள்ளது. இந்நிலையில் தேர்தல் பிரசாரம் மேற்கண்ட மாநிலங்களில் உச்சக்கட்டத்தில் நடைபெற்று வருகிறது.