ராமநாதபுரம் தொகுதியில் பாஜக ஆதரவுடன் சுயேட்சையாக போட்டியிடும் ஓ.பன்னீர்செல்வம் பரமக்குடி அருகே அரியனேந்தல், விளத்தூர், பார்த்திபனூர் உள்ளிட்ட கிராமங்களில் தேர்தல் பிரச்சாரத்தில் ஈடுபட்டார். புதுக்குடி கிராமத்தில் அழகு முத்துகோன் சிலைக்கு மாலை அணிவித்து மரியாதை செலுத்திய ஓ.பி.எஸ்., கிராம மக்களிடம் சாலை வசதி, குடிநீர் வசதி உள்ளிட்ட அடிப்படை வசதிகள் குறித்து கேட்டறிந்தார். அப்போது நடந்து சென்றபோது இளம்பெண் ஒருவர் ஓ.பி.எஸ்.ஐ போட்டோ எடுக்க முயன்றார். உடனடியாக அதே இடத்தில் நின்று போட்டோ எடுத்துக் கொள்ளும்படி போஸ் கொடுத்தார்.