தமிழக சட்டமன்றத் தேர்தலில் திமுக தலைமையிலான கூட்டணி வேட்பாளர்களை ஆதரித்து, மக்கள் நீதி மய்யம் தலைவர் கமல்ஹாசன் ஏப்ரல் 17 முதல் 20-ஆம் தேதி வரை சூறாவளிப் பிரச்சாரம் மேற்கொள்கிறார். குறிப்பாக ஏப்ரல் 17ஆம் தேதி தவெக தலைவர் விஜய் போட்டியிடும் பெரம்பூர் உட்பட பெரம்பூர் கொளத்தூர், வில்லிவாக்கம் தொகுதிகளிலும் ஏப்ரல் 18ல் தி.நகர், மயிலாப்பூர், சேப்பாக்கம் திருவல்லிக்கேணி, வேளச்சேரி தொகுதிகளிலும் பிரச்சாரம் மேற்கொள்கிறார். தொடர்ந்து ஏப்ரல் 19ஆம் தேதி அவிநாசி, கோவை தெற்கு தொகுதியில் பிரச்சாரம் மேற்கொள்ளும் கமல்ஹாசன், ஏப்ரல் 20-ஆம் தேதி விஜய் போட்டியிடும் திருச்சி கிழக்கு மற்றும் லால்குடியில் பிரச்சாரத்தை நிறைவு செய்கிறார். ஏப்ரல் 23-ஆம் தேதி தேர்தல் நடைபெற உள்ள நிலையில், கமல்ஹாசனின் இந்தப் பிரச்சாரம் கூட்டணிக்கு கூடுதல் பலம் சேர்க்கும் என எதிர்பார்க்கப்படுகிறது.