கடந்த நவம்பரில் மக்கள் நீதி மய்யம் என்னும் அமைப்பை தொடங்கிய கமல் அதை கட்சியாக பதிவு செய்ய தலைமை தேர்தல் ஆணையத்தில் விண்ணபித்திருந்தார். இந்த பெயருக்கு ஆட்சேபனை இருந்தால் தெரிவிக்கலாம் என்று தேர்தல் ஆணையம் கூறியிருந்தது. ஆனால் யாரும் ஆட்சேபணை தெரிவிக்காததையடுத்து, கட்சியை பதிவு செய்வது தொடர்பாக கமல்ஹாசனை ஜூன் 20ம் தேதி நேரில் ஆஜராக தேர்தல் ஆணையம் அழைப்பு விடுத்தது. இதனையடுத்து இன்று காலை டெல்லி செல்லும் கமல்ஹாசன் மற்றும் கட்சியின் முக்கிய நிர்வாகிகள் 11 மணி அளவில் தேர்தல் ஆணையத்தில் ஆஜர் ஆவார்கள் என்று கூறப்படுகிறது. இது குறித்து ஜூன் 3ம் தேதியே தந்தி டிவி செய்தி வெளியிட்டு இருந்தது குறிப்பிடத்தக்கது.