திமுக எம்.பி. தயாநிதி மாறன் தொடர்ந்த அவதூறு வழக்கின் விசாரணைக்காக, எதிர்கட்சித் தலைவர் எடப்பாடி பழனிச்சாமி, சென்னை சிறப்பு நீதிமன்றத்தில் இன்று நேரில் ஆஜராக உள்ளார். மக்களவைத் தேர்தலின்போது தொகுதி மேம்பாட்டு நிதியை, மத்திய சென்னை எம்.பி. தயாநிதி மாறன் முறையாக செலவிடவில்லை என்று எடப்பாடி பழனிசாமி குற்றம்சாட்டியிருந்தார். இதற்கு மறுப்பு தெரிவித்து எடப்பாடி பழனிசாமிக்கு எதிராக தயாநிதி மாறன் அவதூறு வழக்கு தாக்கல் செய்திருந்தார். இந்த வழக்கு, எம்.பி., எம்.எல்.ஏக்கள். மீதான வழக்குகளை விசாரிக்கும் சிறப்பு நீதிமன்றத்தில் இன்று விசாரணைக்கு வர உள்ளது. அப்போது, எடப்பாடி பழனிசாமி நேரில் ஆஜராவார் என தகவல் வெளியாகியுள்ளது.