நீட் தேர்வுக்கு எதிர்ப்பு தெரிவிக்கும் வகையில், மத்திய அரசு, ஆளுநரை கண்டித்து திமுகவின் இளைஞரணி, மாணவரணி, மருத்துவர் அணி சார்பில், தமிழகம் முழுவதும் மாவட்ட தலைநகரங்களில், இன்று உண்ணாவிரத போராட்டம் நடைபெற உள்ளது. சென்னை வள்ளுவர் கோட்டத்தில் நடைபெறும் போராட்டத்தில், திமுக இளைஞரணி செயலாளரும், அமைச்சருமான உதயநிதி ஸ்டாலின் பங்கேற்கிறார். இதேபோல், பிற மாவட்ட தலைநகரங்களில் நடைபெறும் உண்ணாவிரத போராட்டத்தில், அந்தந்த மாவட்ட பொறுப்பு அமைச்சர்கள் பங்கேற்க உள்ளனர்.