டெல்லி முதல்வரின் இல்லத்தை பொதுப்பணித்துறை அதிகாரிகள் சீல் வைத்து அதிஷியின் உடைமைகளை வெளியில் கொண்டு வந்தனர். இதனையடுத்து உடைமைகளை தனது தனிப்பட்ட இல்லத்திற்கு அதிஷி கொண்டு வந்தார். இந்நிலையில், தனது தனிப்பட்ட இல்லத்தில் உடைமைகளுக்கு நடுவே அமர்ந்து கோப்புகளில் அதிஷி கையெழுத்திட்டுள்ளார். டெல்லி முதல்வராக இருந்த அரவிந்த் கெஜ்ரிவால், முதல்வர் இல்லத்தை காலி செய்த பிறகு அதிஷி அந்த இல்லத்தில் தனது உடைமைகளை இடமாற்றம் செய்தார். எனினும்,, முதல்வர் இல்லத்தின் சாவி அதிஷியிடம் இருந்தாலும் முறைப்படி அவருக்கு இல்லம் ஒதுக்கப்படவில்லை எனக் கூறி பொதுப்பணித் துறையினர் முதல்வர் இல்லத்திற்கு சீல் வைத்தது குறிப்பிடத்தக்கது.