மத்திய பிரதேசத்தில் ஆட்சியை கவிழ்க்க பா.ஜ.க. முயற்சிப்பதாகவும், இது ஜனநாயக படுகொலை என்றும் காங்கிரஸ் எம்.பி. திருநாவுக்கரசர் குற்றம்சாட்டியுள்ளார் . சென்னை விமான நிலையத்தில் செய்தியாளர்களிடம் பேசிய அவர், மத்திய பிரதேசத்தில் காங்கிரஸ் கட்சி ஆட்சியில் இருப்பதை பொறுத்து கொள்ள முடியாமல் எம்.எல்.ஏ.க்களை ராஜினாமா செய்ய வைத்து ஆட்சியை கவிழ்க்கும் வேலையில் பா.ஜ.க. ஈடுபட்டுள்ளதாக திருநாவுக்கரசர் புகார் தெரிவித்தார்.