கோவை விமான நிலையத்தில் காங்கிரஸ் எம்.பி. ராகுல் காந்தியை வரவேற்க நின்ற பெண்கள் மத்தியில் செல்ல முயன்ற தொண்டரால் பரபரப்பு ஏற்பட்டது. காங்கிரஸ் கட்சியின் மகளிர் அணி சார்பில் பூரண கும்ப மரியாதை தர விமான நிலையத்தில் நுழைவாயிலில் பெண்கள் நின்று கொண்டிருந்தனர். அப்போது கட்சித் தொண்டர் ஒருவர் பெண் தொண்டர்களுக்கிடையில் முண்டியடித்து முன்னே சென்று நிற்க முயன்றார். அவரை சக தொண்டர்கள் தடுத்து நிறுத்திய நிலையில் வாக்குவாதம் எழுந்தது. அந்த நபரை அதிகாரிகள் அங்கிருந்து அப்புறப்படுத்தினர். இதனால் அங்கு பரபரப்பு நிலவியது.