எந்த நேரத்திலும் நாடாளுமன்ற தேர்தல் தேதி அறிவிக்கப்படலாம் என்பதால், தமிழகத்தில் தேர்தல் களம் சூடுபிடித்துள்ளது. ஜெயலலிதா இல்லாமல் அதிமுகவும், கருணாநிதி இல்லாமல் திமுகவும் சந்திக்கும் முதல் பொதுத்தேர்தல் இது. இதனாலேயே தமிழக அரசியல் களம் எப்போதும் இல்லாத வகையில் பரபரப்பாக காணப்படுகிறது.
திமுக தலைமையிலான கூட்டணியில் எந்ததெந்த கட்சிகள் இடம்பெறும் என்பது உறுதியாகிவிட்டது. ஆனால், அதிமுக கூட்டணியில் இடம்பெறும் கட்சிகள் பற்றி இதுவரை எதுவும் இறுதியாகவில்லை. அதிமுக யாருடன் கூட்டணி அமைக்க போகிறது என்பது அரசியல் வட்டாரத்தில் பெரும் எதிர்பார்ப்பை ஏற்படுத்தியுள்ளது. துணை முதலமைச்சரும், அதிமுக ஒருங்கிணைப்பாளருமான பன்னீர்செல்வத்தின் நேற்றைய 'பேட்டி, அந்த எதிர்பார்ப்பை மேலும் எகிற செய்திருக்கிறது.