நீலகிரி மக்களவை தொகுதியை அதிமுக நிச்சயம் கைப்பற்றும் என அதிமுக வேட்பாளர் லோகேஷ் தமிழ்ச்செல்வன் திட்டவட்டமாக தெரிவித்துள்ளார். நீலகிரியில் போட்டியிடும் அதிமுக வேட்பாளர் லோகேஷ் தமிழ்ச்செல்வன், குன்னூர், கோத்தகிரி பகுதிகளில் உள்ள பழங்குடியின மக்களை சந்தித்து வாக்கு சேகரிப்பில் ஈடுபட்டனர். இதேபோல் சோலூர் பகுதிக்கு சென்ற லோகேஷ் தமிழ்ச்செல்வனுக்கு, அப்பகுதி மக்கள் மேள தாளங்களுடன் உற்சாக வரவேற்பு அளித்தனர். தொடர்ந்து, மக்கள் மத்தியில் உரையாற்றிய லோகேஷ் தமிழ்ச்செல்வன், தற்போதய எம்.பி. ஆ.ராசாவும் மத்திய இணையமைச்சர் எல்.முருகனும் நீலகிரி மக்களுக்கு எதுவும் செய்யவில்லை என குற்றம்சாட்டினார். மேலும், நீலகிரி தொகுதியில் அதிமுக நிச்சயமாக வெற்றி பெறும் எனவும் லோகேஷ் தமிழ்ச்சென்வன் நம்பிக்கை தெரிவித்துள்ளார்.