கேரளாவில் காட்டுப்பன்றி கூட்டத்தில் மோதி, இருசக்கர வாகனத்தில் சென்ற இளைஞர் காயமடைந்த சி.சி.டி.வி. காட்சிகள் வெளியாகியுள்ளன. குறும்பாலா பகுதியைச் சேர்ந்த இளைஞர் ஒருவர், பந்தளம் பகுதி வழியாக இரவில் தனது இருசக்கர வாகனத்தில் சென்று கொண்டிருந்தார். அப்போது காட்டுப்பன்றி கூட்டம், சாலையின் நடுவே நின்று கொண்டிருந்தது. இதை சற்றும் எதிர்பாராத இளைஞர், காட்டுப் பன்றிகள் மீது மோதியதில், இருசக்கர வாகனம் கவிழ்ந்து இளைஞர் தூக்கி வீசப்பட்டார். காட்டுப் பன்றிகள் அங்கிருந்து ஓடிய நிலையில், காயமடைந்த இளைஞரை அப்பகுதி மக்கள் மீட்டு, அருகில் உள்ள தனியார் மருத்துவமனையில் சேர்த்தனர்.