கேரள மாநிலம் மூணாறில், டைபாய்டு காய்ச்சல் பரவியதால், அரசு உண்டு உறைவிட பள்ளி மூடப்பட்டது. மூணாறு, காலனி பகுதியில் செயல்படும் பள்ளியில், மலைவாழ் மக்கள் இன மாணவர்கள் உட்பட 260 பேர் விடுதியில் தங்கி, +2 வரை பயின்று வருகின்றனர். இதில் 14 மாணவர்களுக்கு டைபாய்டு காய்ச்சல் பாதிப்பு ஏற்பட்டது. அதில் 6 மாணவர்கள் வீட்டுக்கு அனுப்பி வைக்கப்பட்ட நிலையில், எஞ்சிய 8 மாணவர்களை தங்கும் விடுதியிலேயே தனி அறையில் வைத்து சுகாதார மையத்தினர் கண்காணித்து வந்தனர். இந்நிலையில், மேலும் 6 பேருக்கு டைபாய்டு காய்ச்சல் உறுதியானதால், பாதிப்பு எண்ணிக்கை 20ஆக உயர்ந்தது. இதையடுத்து, ஆட்சியர் உத்தரவின்பேரில் அந்தப் பள்ளி மூடப்பட்டது.