திருப்பதி ஏழுமலையான் கோயிலில் பிரம்மோற்சவ விழா கோலாகலமாக நடைபெற்று வருகிறது. பிரம்மோற்சவத்தின் எட்டாம் நாளான நேற்று தேரோட்டம் வெகு விமர்சையாக நடைபெற்றது. பின்னர் மலையப்ப சாமிக்கு ஊஞ்சல் சேவை உள்ளிட்ட சிறப்பு பூஜைகள் நடைபெற்றன. இரவு மலையப்ப சுவாமி கல்கி அவதாரத்தில் பாயும் தங்க குதிரை வாகனத்தில் 4 மாட வீதிகளில் உலா வந்து பக்தர்களுக்கு அருள்பாலித்தார். அப்போது பக்தர்கள் பாரம்பரிய உடை அணிந்து கோலாட்டம் உள்ளிட்ட நடனங்களை ஆடி ஏழுமலையானை வழிபட்டனர்.