திருமலை செல்லும் அரசு பேருந்து டிக்கெட்டில் புனித ஹஜ், ஜெருசலம் யாத்திரை குறித்த விளம்பரம் இடம்பெற்றிருப்பதற்கு மாநில பா.ஜ.க கண்டனம் தெரிவித்துள்ளது. இந்த விவகாரத்தில் மாநில அரசின் செயல்பாட்டைக் கண்டித்து போராட்டங்களில் ஈடுபட அக்கட்சி தலைவர்கள் திட்டமிட்டுள்ளனர். பேருந்து டிக்கெட்டுகளில் அச்சிடப்படும் வேற்றுமத பிரசார விளம்பரத்தை உடனடியாக தடை செய்ய வேண்டும் என அவர்கள் வலியுறுத்தியுள்ளனர். இதனிடையே, சிறுபான்மையினர் துறை மூலம் இந்த விளம்பரம் கொடுக்கப்பட்டுள்ளதாக ஆந்திர போக்குவரத்துக் கழகம் விளக்கம் அளித்துள்ளது.