இந்தியா சனாதன தர்மத்தின் தேசம் என, மத்தியப்பிரதேச முன்னாள் முதல்வர் கமல்நாத் தெரிவித்துள்ளார். சனாதன தர்ம சர்ச்சை குறித்து செய்தியாளர்கள் எழுப்பிய கேள்விக்கு பதிலளித்த கமல்நாத், 2019 நாடாளுமன்றத் தேர்தலின்போது பாஜக சர்ஜிக்கல் ஸ்ட்ரைக், தேசியவாதம் போன்றவற்றை கையில் எடுத்ததாகவும், தற்போது சனாதன தர்மத்தை கையில் எடுத்திருப்பதாகவும் குறிப்பிட்டார். முக்கிய பிரச்சினைகளில் விவாதம் நடைபெறுவதை தவிர்க்க, அடுத்த 3 மாதங்களில் திசைதிருப்பும் முயற்சிகளில் பா.ஜ.க ஈடுபடும் என்பதை மக்கள் புரிந்து கொள்ள வேண்டும் எனவும் கமல்நாத் தெரிவித்தார்.