திருப்பதியில், காலணிகளை யாரும் எடுத்து செல்ல முடியாதவாறு அவற்றிற்கு அதன் உரிமையாளர்கள் பூட்டு போட்டு சென்றுள்ள வீடியோ சமூக வலைதளில் பரவி வருகிறது. திருப்பதி ஏழுமலையான் கோவில் அருகே பக்தர்களின் வசதிக்காக காலணிகள் பாதுகாக்கும் இடம் உள்ளது. அங்கு வைக்கப்படும் காலணிகள் காணாமல் போவது அதிகரித்துள்ளதால், ஒரு சில பக்தர்கள் காலணிகளுக்கு பூட்டு போட்டு செல்கின்றனர். சைக்கிள்களை பாதுகாக்க பயன்படுத்தப்படும் பூட்டுகளை பக்தர்கள் காலணிகளுக்கு பயன்படுத்தி இருப்பது இணையத்தில் பேசுபொருளாகியுள்ளது.