கர்நாடக சட்டப்பேரவையில் பாகிஸ்தான் ஆதரவு கோஷம் எழுப்பப்பட்டதாக பா.ஜ.க. குற்றம் சாட்டியுள்ளது. கர்நாடக சட்டப்பேரவையில், மாநிலங்களவைத் தேர்தல் வாக்கு எண்ணிக்கை முடிவடைந்ததும், காங்கிரஸ் வேட்பாளர் நசீர் உசேன் வெற்றி பெற்றதாக அறிவிக்கப்பட்டது. இதைத்தொடர்ந்து, வாழ்த்து முழக்கங்கள் எழுப்பிய காங்கிரஸசார், பாகிஸ்தான் ஆதரவு கோஷங்களை எழுப்பியதாக பா.ஜ.க. குற்றம் சாட்டியுள்ளது. இதுதொடர்பாக பா.ஜ.க. மூத்த தலைவர்கள் அளித்த புகாரின்பேரில் பெங்களூரு போலீசார் வழக்குப்பதிவு செய்துள்ள நிலையில், இந்தக் குற்றச்சாட்டுகளை காங்கிரஸ் மறுத்துள்ளது.