ஜம்மு காஷ்மீர் மாநிலத்தில் அமர்நாத் கோவில் உள்ளது. அங்கிருக்கும் பனி லிங்கத்தை தரிசிக்க ஆண்டுதோறும் லட்சக்கணக்கான மக்கள் யாத்திரை செல்கின்றனர். இந்த ஆண்டுக்கான அமர்நாத் யாத்திரை நாளை தொடங்க உள்ள நிலையில், ஜம்மு மலையடிவாரத்தில் உள்ள ராணுவ முகாமில் பாதுகாப்பு ஏற்பாடுகள் குறித்த ஆலோசனை கூட்டம் நடைபெற்றது. இதில் ராணுவ தளபதி பிபின் ராவத் மற்றும் பாதுகாப்புத் துறை அமைச்சர் நிர்மலா சீதாராமன் ஆய்வு செய்தனர். இந்நிலையில், இன்று அதிகாலை ஜம்மு மலையடிவார ராணுவ முகாமில் இருந்து, அமர்நாத் யாத்திரை செல்லும் முதல் குழு புறப்பட்டது. காஷ்மீர் மாநில தலைமை செயலாளர் சுப்பிரமணியம், ஆளுநரின் ஆலோசகர்கள் வியாஸ் மற்றும் விஜய குமார் ஆகியோர், அமர்நாத் யாத்திரை குழுவை கொடி அசைத்து வழியனுப்பிவைத்தனர்.