கேரளாவில், முக்கிய நகரங்களில் உள்ள பிரதான சாலைகளில் செயற்கை நுண்ணறிவு கேமராக்கள் பொருத்தப்பட்டுள்ளன. இதன்மூலம் போக்குவரத்து விதிகளை மீறும் வாகனங்களை பிடித்து போலீசார் அபராதம் விதித்தனர். கடந்த ஒரு மாதத்தில் 32 லட்சத்துக்கும் அதிகமான போக்குவரத்து விதிமீறல்கள் கண்டறியப்பட்டுள்ளன. இதில், கேரள எம்.பி.க்கள், எம்.எல்.ஏ.க்கள் மற்றும் முக்கிய பிரமுகர்கள் சிக்கியுள்ளனர். 15 லட்சத்து 83 ஆயிரத்து 367 வழக்குகள் ஆய்வு செய்யப்பட்டு, 3 லட்சத்து 82 ஆயிரத்து 580 நபர்களுக்கு அபராதம் விதிக்கப்பட்டு, 25 கோடி ரூபாய் அபராதம் விதிக்கப்பட்டுள்ளது. போக்குவரத்து விதி மீறலில் சிக்கிய 10 எம்.பி.க்கள் மற்றும் 19 எம்.எல்.ஏ.க்கள், அதிவேகம் மற்றும் சீட் பெல்ட் அணியாமல் வாகனத்தில் சென்றது தெரியவந்துள்ளது.