பாகிஸ்தானுக்குள் புகுந்து தீவிரவாதிகள் முகாம்களை அழித்த நமது இந்திய விமானப்படை விமானிகளின் செயல் பெருமைக்குரியது என, திமுக தலைவர் ஸ்டாலின் தெரிவித்துள்ளார்.

"இந்திய விமானப்படையை வணங்குகிறேன்"- ராகுல்

இந்திய விமானப்படை தாக்குதலை அடுத்து, சமூகவலைதளத்தில் காங்கிரஸ் தலைவர் ராகுல் காந்தி கருத்து தெரிவித்துள்ளார். அதில், இந்திய விமானப்படை விமானிகளை வணங்குவதாகக் குறிப்பிட்டுள்ளார்.

"ராணுவத்தின் வலு மற்றும் திறமை வெளிகாட்டும் நேரம் இது" -பிரகாஷ் ஐவடேகர்

புல்வாமா தாக்குதலுக்கு பதிலடி கொடுக்கும் வகையில் ராணுவத்துக்கு முழு சுதந்திரம் வழங்கப்பட்டுள்ளதாக மத்திய அமைச்சர் பிரகாஷ் ஜவடேகர் தெரிவித்துள்ளார். தீவிரவாத நிலைகள் மீது தாக்குதல் நடத்தியதற்கு நாடு முழுவதும் உள்ள தலைவர்கள் ஆதரவு தெரிவித்து வருவதாகவும், ராணுவத்தின் வலு மற்றும் திறமை வெளிகாட்டும் நேரம் இது என்றும் பிரகாஷ் ஐவடேகர் கூறினார்.

"இந்திய விமானப்படைக்கு பாராட்டு" - கெஜ்ரிவால்

இந்திய விமானப்படை வீரர்களின் துணிச்சலான நடவடிக்கையை பாராட்டுவதாக, டெல்லி முதல்வர் அரவிந்த் கெஜ்ரிவால் தெரிவித்துள்ளார். சமூக வலைதளத்தில் அவர் வெளியிட்ட தகவலில் இதனைக் குறிப்பிட்டுள்ளார்.